Cyfansoddwch ar gyfer Telyn | 2025
Lowri Mair Jones
Nimble
Mae Nimble yn ddarn sy’n archwilio pa mor ysgafn, cyflym a disglair y gall y offeryn fod. Fel delynores, roeddwn am ysgrifennu rhywbeth a fyddai’n dangos hyblygrwydd a sglein y delyn – rhywbeth efallai hyd yn oed yn rhy anodd i mi ei berfformio fy hun!
Mae’r gerddoriaeth yn chwarae gyda chyflymder, eglurder a manwl gywirdeb, gan ddefnyddio patrymau cyflym, gweadau newidiol a chyffyrddiadau cain i ddal egni chwaraeus y tu ôl i’r teitl. Mae’n heriol yn dechnegol, ond bwriad y darn yw bod yn hwyl hefyd – darn sy’n herio delynoresau tra’n caniatáu iddynt fwynhau ystod a lliw’r offeryn.
Yn ei hanfod, mae Nimble yn dathlu gallu’r delyn i ddisgleirio trwy ysgafnder yn hytrach na grym. Mae’n ymwneud â symudiad, disgleirdeb, a synnwyr o lawenydd cerddorol sy’n cadw popeth yn dawnsio.
Lawri Mair JonesBywgraffiad
Mae Lowri Mair Jones, sy’n byw yng Nghaerdydd, wedi ennill sawl gwobr am ei chyfansoddiadau ac mae ei gwaith yn cynnwys cerddoriaeth ar gyfer siambr, cerddorfa, llais a ffilm. Ar ôl seibiant o 20 mlynedd, dychwelodd Lowri at gyfansoddi gyda ffocws newydd ac mae wedi adeiladu portffolio amrywiol yn gyflym iawn. Dyfarnwyd Tlws y Cerddor iddi yn Eisteddfod Genedlaethol 2023 am ei gwaith ar gyfer soddgrwth, piano a ffidil, a daeth yn ail y flwyddyn ganlynol am waith siambr ar gyfer clarinét, ffidil, soddgrwth a phiano. Mae prosiectau diweddar Lowri yn cynnwys y sgôr i’r ffilm fer Milodfa (BBC iPlayer/S4C, 2025), opera siambr yn y Gymraeg gyda Tŷ Cerdd a Music Theatre Wales a berfformiwyd am y tro cyntaf yn yr Eisteddfod Genedlaethol yn 2025, a chomisiynau gan Gerddorfa Symffoni’r Rhondda, Gŵyl Llanandras, Côr Godre’r Garth a noddwyr preifat. Ynghyd â’i gyrfa yn cyfansoddi, mae Lowri wedi gweithio’n helaeth yn y maes darlledu, i’r BBC a chwmnïau annibynnol. Mae ganddi radd MMus mewn Cyfansoddi o Brifysgol Manceinion.
